游 龍 戲 鳳 歌 詞
生 : (白)喂，伙記，(龍飛鳳舞) 嚟啦 (序)
旦 : (接唱) 嚟叻 (序) 為乜係處亂咁敲睹。
生 : (續唱) 你又為乜冇個在店前?
旦 : (接唱) 人家個心柳咁亂，事關我呀哥有病染呀。
生 : (二王) 哦! 唔怪得泠落荒涼，不比往日個間龍鳳店。
旦 : (接唱) 你都未知酒樓幾冷淡，近日此地大不如前。
生 : (續唱) 係呢你嘅楊柳腰兒，亦比從前瘦損。
旦 : (接唱) 你何必花言巧語，可謂一個輕薄嘅少年。
生 : (滅字芙蓉) 哎吔我美酒都未沾唇，你居然先來一碗貓麵。
旦 : (接唱) 斯文應尊重，點菜至為先。
生 : (續唱) 酒菜就慢慢嚟，我想吃個芙蓉麵。
旦 : (序白) 喂，乜你咁嘅啫，冇解嘅你。
生 : (續唱) 你鬧就隨便鬧，我係要摸你一摸添。
旦 : (直唱中板) 睇你貌似潘安，一表斯文，誰想你行為咁不撿。你嘅輕狂舉動，十足斯文無賴，下流賤格你學到齊全。你係處捏面摸頭，我本濯水青蓮，雖出於污泥，而不染。我呢個當爐女，亦知廉恥禮義，豈到你口不擇言。
生 : (續唱) 鬼叫你咁銷魂，鬼叫你咁風騷咩，引我入嚟呢間龍鳳店。可見得我係有心嚟幫襯，你應該招待週全。(花) 係呢，你哋用龍鳳做招牌，究竟出自何經何典呢?
旦 : (直唱士工慢板) 講到龍鳳店，以龍鳳為名，因為兄是龍時妹是鳳，都算改得幾自然。
生 : (白) 哦，原來你叫鳳姐呀，個名改得真係甜咯。
(禿頭唱平湖秋月) 甜甜甜，你叫鳳姐咩確係甜，可惜個店名欠自然，哈，鳳與龍亂配真係笑話，應該孖我結鳳鸞，今日龍鳳店，擺下龍鳳宴，我地兩家至係龍鳳噃，配得好啱線。
旦 : (接唱) 乜你禮教全唔念，有心點菜就快的，我唔願聽，唔通等到到你埋年。
生 : (續唱) 任你龍腸、鳳翅，我一概不要，只要鳳姐將心獻。
旦 : (接唱) 躝開、躝開，乜你個口得咁賤，咁耐唔扯真討厭，
你隻採花粉蝶莫再痴纏。
生 : (續唱) 我哋奇逢萬里緣牽一線，我做到當今帝主至係龍。
旦 : (續唱) 龍你就會飛上天叻。
生 : (續唱) 何必疑心瞞騙。
旦 : (續唱) 你家陣確係確係發咗癲。
生 : (續唱) 有憑據當今寶印在目前。(白)嗰，睇真吓我個寶印啦。
旦 :

(白) 躝開。(西皮) 你真瘋癲、膽包天，居然冒至尊，盼玉人相眷戀，我呢一世與你無緣，何必再冤。
生 : (南音) 鳳姐呀你休多疑惑，望真我個玉印先，你重要踎低然後至睇得見，睇吓內中文字，姐呀你就心甜。
旦 : (白) 係呀，真係㗎。(快點中板) 果然玉印亳光閃，奴奴自悔太失言，聖上請將奴赦免，乞賜為妃伴君前。
生 : (接唱)你骨似梅花人絕艷，盈盈秋水肖生憐，大好名花殊堪戀。願為粉蝶繞裙邊。(花)御筆親題成鐵卷。(白) 為皇冊封江南鳳姐為貴妃。
旦 : (白) 謝龍恩。
生: (白) 呢一個多情皇帝，今晚共結龍鳳奇緣。